يقال إن87%من الشعب المصرى ساخطون على الحكومة المصرية ... ما تعليقك ؟
ــ ال 13% الباقيين معاهم جنسيات أخرى .
تقرير :45% من الشعب المصرى مصابون بمرض السكر ما تعليقك ؟ ــ آدى اللى خدناه من" الحلوانى " اللى بنى مصر .
ما أهم مظاهر الفهلوة عند المصريين ؟ ــ انهم يشكون فى الشحات ولا يشكون فى النصاب .
ليه الحزب الوطنى بيعمل اعلانات لنفسه مع ان البلد كلها بتاعته ؟ ــ زى ما شبكة الأوربت بتعمل اعلانات لنفسها على شاشة الأوربت .
ما الفرق الأهم بين مصر وأمريكا ؟ ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .
ما أهم قاعدة موجودة فى مصر ؟ ــ ان مفيش قاعدة لأى حاجة
ما وجه الشبه بين السد العالى وقانون الطوارىء ؟ ــ الأثنان مصدر " للكهرباء!!!" .
لماذا يطلق المصريون على زوجاتهم لقب " الحكومة "؟ ــ لصعوبة تغييرها مهما تسببت فى كوارث .
أين يمكنك أن تلاحظ سوء نية المصريين ؟ ــ عندما يغنون للطفل البرىء بمنتهى الخبث قائلين .... يارب يا ربنا " تكبر وتبقى زينا .
ليه أكتر ناس بياخدوا مواقف معارضة جريئة هم الناس بتوع الغزل والنسيج ؟ ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.
امتى بتحس ان البلد حلوة ؟ ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)
امتى هناكل جوافة من انتاج مزارع توشكى ؟ ــ لما نلاقى المشمش!!!!!
ما العلاقة بين عصام الحضرى وسمن روابى ؟ ــ الطعم فلاحى وتحدى .
هل لك أقارب استشهدوا فى الحرب ؟ ــ لأ عندى أقارب استشهدوا فى السلام ..... " السلام 98" . .
ما الدليل على أن مصر بلد الامان ؟ ــ الدليل ان الواحد بيتردد كتير قبل ما يدخل أى قسم شرطة .
ايه الكلمة اللى ما بتحبش تسمعها وانت فى أوضة العمليات ؟ ــ يا خسارة .
ما الفرق بين الزوجة المصرية والزوجة اللبنانية ؟ ــ 40 كيلو جرام على الأقل .
بماذا ستجيب كمصرى عند سؤالك عن عمرك فيما أفنيته بعد عمر طويل ؟ ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .
لماذا يقال عن الشعب المصرى انه شعب فوضوى ؟ ــ علشان بيكرة النظام
NouR مُـشْـرِفَة
مصر
موضوع: رد: يقال عن المصريين 2009-09-23, 5:05 pm
ياترى انت بتقول ايه؟
mr.BaZo نجم جديد
مصر
موضوع: رد: يقال عن المصريين 2009-09-24, 7:29 am
انا بقول ...لاحول ولا قوة الا بالله
عن بلد كان اللى بيخرج منها بيخرج وهو كارهه خروجه ...دلوقتى اللى بيقعد فيها بيكون كارهه وجودة فيها
زمان كان فى حب ... صله رحم ....زيارات....افراح....مسانده للغير ..........وحاجات تانيه كتير <<<<<<<< بس راحت فى زحمه السير ...فى خنقه الاخ من اخوة ولسه اكتر واكتر
دلوقتى ..سمه مصر .....الهروب...!!!!!
كان زمان مافيش عربى يجرؤ يرفع عينه على المصرى ...!!!!سبحان مغير الاحوال!!!!! دلوقتى ينضرب بالجزمه ويقول اضربنى كمان بس ادينى مرتب ولسه ياما المصرى هاينضرب بالجزم لحد لما يبطل يقول احنا الماضى العريق